ဗုဒ္ဓဝါဒပြဿနာများ ဖြစ်ပေါ်စေသော ဓမ္မသဘင် တကယ်ရှိခဲ့သလော?

ဤစာအုပ်ဖြစ်ပွားစေသူ ဘက္ခူအရှင်အရိယဓမ္မ၏ ဘဝတစ်စိတ်တစ်ဒေသကို မြန်မာပြန်ဆိုသူ တောင်တွင်း ကိုကိုကြီး၏ နိဒါန်းစကား ဖေါ်ထုတ်ချက်အရ သိရှိခဲ့ရပြီးဖြစ်သည်။ မြှား (၅) ချောင်းအားဖြင့်၎င်း၊ ကြယ် (၇) ပွင့်အားဖြင့်၎င်း အကျဉ်းဖေါ်ပြခဲ့သည်။ သတ္တမကြယ်ပွင့် ဖေါ်ထုတ်ချက်အရ ဗုဒ္ဓဝိဟာရဘုံဘိုင်မြို့ ဓမ္မသဘင်မှ ထွက်ပေါ်လာသော လုလင်ငယ် ယေရှု တိဗက်ပညာတော်သင် ကိစ္စကို အကျယ်တဝင့်ဆွေးနွေး တင်ပြခဲ့ပါသည်။

ယခု အဋ္ဌမကြယ်ပွင့် အမှတ်အသားဖြင့် ဖေါ်ပြရသော်-

            ၁၉၃၈ ခုနှစ်တွင် အရှင်အရိယဓမ္မသည် အိန္ဒိယပြည်တွင် မမွေ့လျှော် မပျော်ပိုက်တော့၍ တောင်တွင်းကြီး ဆရာတော် အသျှင် ဥက္ကဋ္ဌ၏ခြေတော်ရင်းတွင်း ပြန်လည်ခိုလှုံလာသည်။ ၁၉၃၆-၁၉၃၈ (၂) နှစ် နေခဲ့သည်ဟုဆိုနိုင်သော်လည်း အချိန်ကာလအားဖြင့် အတိအကျ မခန့်မှန်းနိုင်ပေ။ အချိန်တိုအတွင်းမှာ အခြားဘာသာတရားများကို မတော်မတရားစော်ကားသော ဓမ္မသဘင်ဆိုသည်ကို အမှန်တကယ် ကျင်းပနိုင်ခဲ့ပါသလော?

ဓမ္မဒေသနာ ဟောပြောပွဲလော?

            သက်ဆိုင်ရာ ဘာသာဝင်တို့၏ ပင့်ဖိတ်ချက်အရ ဟောပြောသော အခမ်းအနားကို တရားပွဲဟုခေါ်သည်။ နေ့ရက်၊ အချိန်၊ နေရာ၊ တရားခေါင်းစဉ်စသည် အစီအစဉ်ဖြင့် ဟောကြားခြင်းကို တရားပွဲဟု ဆိုရသည်။ အရိယဓမ္မ၏ ထင်ရာမြင်ရာဖြေဆိုပွဲသည် တရားပွဲမဟုတ်။

ဓမ္မသာကစ္စာတရားဆွေးနွေးပွဲလော?

            အခြားဘာသာတရားကို သိလိုသော သို့မဟုတ် မိမိဘာသာတရားကို သိစေလိုသော ဓမ္မမိတ်ဆွေနှစ်ဦးနှစ်ဘက် ညှိနှိုင်းတိုင်ပင်၍ နေ့ရက်နေရာ အကြောင်းအရာ သတ်မှတ်ချက်များအပြင် အပြန်အလှန်ဆွေးနွေးခြင်းကို တရားဆွေးနွေးခြင်းဟုဆိုသည်။ အရိယဓမ္မ၏ တစ်ဖက်သတ် အနိုင်ယူဖြေကြားပွဲသည် တရားဆွေးနွေးပွဲမဟုတ်။

ဓမ္မဝိဝါဒတရားပြိုင်ပွဲလော?

            ၁၉၃၆ ခုနှစ်တွင်ပြုလိုပ်ခဲ့သော "ကျောက်ကွင်း အရေးတော်ပုံ" ဟုကျော်ကြားသော ဗုဒ္ဓဘာသာခေါင်းစဉ်များနှင့် ခရစ်ယာန်ဘာသာခေါင်းဆောင်များ၏ ကြိုတင်သတ်မှတ်ချက်များဖြင့် အပြန်အလှန် ဝေဖန်တင်ပြတိုက်ခိုက်ဟောပြောနိုင်သော ဓမ္မသဘောတရားငြင်းခုံပွဲမျိုးသည် ဓမ္မဝိဝါဒပွဲ၊ ဓမ္မစကားရည်လုပွဲဖြစ်သည်၊ အလွန်အဆင့်အတန်းမြင့်မားသည်။ ထိုပွဲအတွင်းဘာသာပြောင်းကိုးကွယ်မှု လွတ်လပ်စွာပြုနိုင်သည်။ ထိုပွဲမျိုး ကမ္ဘာ့အခြား တစ်နေရာတွင် ရှိခဲ့သည်ဟု မကြားစဘူးပေ။ ထိုပွဲမျိုးနှင့် အရိယဓမ္မ၏ တကိုတော်တည်း ပထမရသော ပွဲမျိုးသည် လုံးဝမတူပေ။

            တရားဟောပြောပွဲ၊ တရားဆွေးနွေးပွဲ၊ တရားပြိုင်ပွဲ (၃) ပွဲမဟုတ်သော မတရားပွဲ တမျိုးဖြင့် စိတ်ကြိုက်ဖန်တီးသော ဓမ္မဇာတ်ကောင် ဆရာကြီးများကို အနိုင်ယူကာ မှတ်တမ်းတင်ထားသောစာအုပ်ဟု "ဗုဒ္ဓဝါဒ ပြဿနာများ" ကျမ်းကို ဂုဏ်ပြုလျှင် မမှားနိုင်ဟု ထင်မိပါသည်။

            ဟိန္ဒူဘာသာဓမ္မဇာတ်ကောင်ဆရာကြီးကို ဝေဒကျမ်းများ၊ ပူရဏ်များကို ကောင်းစွာ ကျွမ်းကျင်သည့် ဟိန္ဒူဘုန်းတော်ကြီး ပဏ္ဍိတ်အက်စ်ရှုကာလဂျီဟု ဂုဏ်ထူးဝိသေသ အမည်နာမသတ်မှတ်ထားသည်။ သို့ရာတွင် အရိယဓမ္မ၏စွပ်စွဲဝေဖန် ပုတ်ခတ်ချက်များကို ဝန်မခံဟု ဆိုကာ သဘာပတိဆိုသူက "မဖြေပဲ တရားပွဲမှ ထွက်သွားလျှင် ပဏ္ဍိတ်ကြီးဟာ ပေးထားတဲ့ အာမခံချက်တွေကို ချိုးဖောက်တဲ့ အနေဖြင့် တရားစွဲဖို့ပဲရှိပါတော့တယ်"။ ဟုပြောခဲ့သည်။ မတရားပွဲမှ တရားစွဲပွဲအဆင့်သို့ ရောက်လုမတတ်ဖြစ်ခဲ့ရလေသည်။ ဗုဒ္ဓ၏ အမေးကို မဖြေဆိုက သစ္စက၏ ဦးခေါင်းကို ဝရဇိန်လက်နက်ဖြင့် (ရ) စိပ်ခွဲမည်ဟု အကြမ်းဖက်ချိန်းခြောက်သော သိကြားမင်းကို ပြေး၍ပင် သတိရမိတော့သည်။

            ခရစ်ယာန် ဘာသာဓမ္မဇာတ်ကောင် ဆရာကြီးကိုလည်း ခရစ်ယာန် ဘုန်းကြီး ဂျေဝီလ်ဆင်ဆင် အမ်အေ ( အောက်စဖို့တက္ကသိုလ်)၊ ဘုံဘိုင်မြို့အယ်လီဖင့်စတုန်းကောလိပ်ကောင်း ပညာရှင်ကြီးအဖြစ် ဂုဏ်ပြုဖေါ်ပြထားပါသည်။ သို့ရာတွင် ဥပုဒ်စာဖြေ သင်တန်းကျောင်းမှ ကလေး သူငယ်များပင် သိနိုင်သော ခရစ်တော်အကြောင်းကို မသိဟု ဖြေဆိုခိုင်းလေသည်။ ကယ်တင်ခြင်းတရားအကြောင်းကို ခရစ်ယာန်ဘာသာပါရဂူနှင့်တကွ မိမိ၏ အင်္ဂလန်ပြည်ဂိုဏ်းချုပ်ကြီးပင် မရှင်းပြနိုင်ကြောင်း ဝန်ခံခိုင်းလေသည်။ ဤမျှလောက်အောင်နိုင်သော အရှင်အရိယဓမ္မပေတကား။

            စာမျက်နှာ (၁၁၃) တွင် ဖေါ်ပြထားသော ဓမ္မအတွေးအခေါ်မပါ၊ ကလေးကုလားဆန်သော အမေးအဖြေတစ်စုံကို အောက်တွင် ဖေါ်ပြလိုက်သည်။ အရှင်အရိယဓမ္မ "ဒါဖြင့် ခရစ်တော်ဟာ ဖခင်ထာဝရဘုရားသခင်ရဲ့ အမိန့်တော်ကို စောင့်နေဆဲ ( ၁၈) နှစ်တာကာလအတွင်း သေကြရတဲ့ သန်းပေါင်းများစွာသော လူတွေဟာ ကောင်းကင်ဘုံနန်းကို သွားမလား၊ ငရဲပြည်ကိုပဲ သွားကြရသလား?"

            - သူသည်လက်သမားသားမဟုတ်လော?

            -မာရိ၏ သားမဟုတ်လော?

            -ယာကုပ်၊ ယောသေ၊ ယုဒ၊ ရှိမုန်တို့၏ အကိုမဟုတ်လော?

            -သူ့နှစ်မများသည်လည်း ငါတို့နှင့် အနီးအပါးမှာနေကြသည် မဟုတ်လော?

အထက်ပါ အမေးများကို သူ၏ဓမ္မဇာတ်ကောင်ဖြစ်သော ခရစ်ယာန် ဓမ္မပါရဂူဆရာတော်ကြီးက-

            "ဒီ(၁၈)နှစ်တာ ကာလအတွင်း သေကြေပျက်စီးကြရတဲ့ လူတွေဟာ အကုသိုလ်ကံထဲကနစ်မွန်းပြီး ငရဲဘုံသို့ ရောက်ကြရပါတယ်ဆရာတော်၊ ဘာပြုလို့လည်းဆိုတော့ အဲ့ဒီလူသားတွေအတွက် ကောင်းကင်ဘုံနန်း မဖွင့်သေးလို့ပါဆရာတော်" ဟူသတည်း။

            မည်သို့ပင်ဖြစ်စေ ဓမ္မသဘင်တကယ်ရှိခဲ့ဟန်ဇာတ်လမ်းတစ်ပုဒ်ကား တည်ရှိနေလေပြီ။ ထိုဇာတ်မှ အခန်းအချို့ကို တတ်စွမ်းသမျှတင်ပြခဲ့ပြီ။ ထိုဇာတ်လမ်း သန္ဓေတည်ရာ "ဗုဒ္ဓဝါဒ ပြဿနာများ" စာအုပ်တိမ်မြုပ်ကာလ သန္ဓေတည်ကာလကားရှည်လျှားလှပေ၏။

            "ဗုဒ္ဓဝါဒ ပြဿနာများ" စာအုပ်တိမ်မြုပ်ကာလ

အရိယဓမ္မ၏ အတ္ထုပ္ပတ္တိကို ယခုနောက်ဆုံး နဝမကြယ်ပွင့် အမှတ်အသားအားဖြင့် ဖေါ်ပြချက်ကား-

            ၁၉၃၈ ခုနှစ် အိန္ဒိယပြည်မှ တောင်တွင်းကြီးပြန်လာပြီး အမေရိကန်သို့ကြွရောက်ရန် ကြံစည်ပြန်လေသည်။ အမေရိကန် သမတရုစဘဲ့ထံသို့ အမေရိကန်တိုက်၌ ဗုဒ္ဓသာသာနာပြုခွင့်တောင်းခံခဲ့သည်ဟုဆိုသည်။ မည်သည့်ဘာသာဝင် သာသနာပြုမဆိုသွားရောက် သာသနာပြုနိုင်သော နိုင်ငံ၏ သမတထံသို့ ရေးကြီးခွင်ကျယ်ခွင့်တောင်းခြင်းဖြစ်သည်။ ယဉ်ကျေးသော သမတကြီးက ကန့်ကွက်ပိတ်ပင်စရာမရှိကြောင်း စာပြန်ခဲ့သည်ဟု ဆိုသည်။ ဤသို့ဖြင့် အမေရိကန်သို့သာသနာပြုကြွသွားခဲ့သည်။ အချိန်ကာလအားဖြင့် အတိအကျ မဖေါ်ပြထားချေ။ သို့ရာတွင် ရုစဘဲ၏ တတိယ သမတသက်တမ်း ( ၁၉၄၀-၄၄) အတွင်းဖြစ်နိုင်စရာရှိသည်။ မြန်မာပြည်မှ နောက်ဆုံးထွက်ခွာခြင်းဖြစ်သည်။

            ဗုဒ္မဝါဒပြဿနာများ စာအုပ်မူကြမ်းကို အဘယ်အချိန်တွင် စတင်ပြုစုခဲ့သနည်း။ အမေးအဖြေပွဲပြုစဉ် ၁၉၃၆-၃၈ ကာလအတွင်း တစ်ချိန်ချိန်တွင်လော? အိန္ဒိယတွင်လော? မြန်မာပြည်မှာလော? အမေရိကတွင်လော? မြန်မာဘာသာမပြန်မီ အနှစ် (၃၀) လုံးလုံး (၁၉၃၈-၁၉၆၈) အတွင် ထိုစာအုပ်အဘယ်မှာ ရှိနေခဲ့သနည်း? အရိယဓမ္မလက်ထဲမှာလော? တောင်တွင်းကြီးသျှင်ဥက္ကဋ္ဌလက်ထဲမှာလော? ဝင်းမော်ဦး စာအုပ်တိုက်သို့ ဘယ်အချိန်မှာ ရောက်သွားသလည်း? .... စသည်စသည်သော မေးခွန်းပေါင်းများစွာဖြင့် သုတေသနပြုဘွယ်များစွာရှိနေပါသည်။ ဖြစ်စဉ်ကာလ၊ ဖြစ်ရပ်ကိစ္စများကို အတိအကျမသိရသေးသော်လည်း ပြုစုထားကြောင်းကား ထင်ရှားလှပေ၏။

            ဥပမာ-

                        စာမျက်နှာ (၁၆၉)တွင် "... ဒါ့ကြောင့် တကယ့်မှန်ကန်တဲ့တရားကို သိလိုနာလိုကြလို့ ယခုလိုဒီနေရာမျီုးမှာ လာရောက်စုဝေးကြတဲ့ ဒါယကာ၊ ဒါယကာမအားလုံးကို ဦးပဉ္စင်းက ဘယ်ဘာသာ၊ ဘယ်တရား၊ ဘယ်အယူဝါဒကိုမျှ မထောက်မညှာပဲဟောပြောတဲ့အတွက် စိတ်လက်မသာမယာဖြစ်ဖို့လည်း တောင်းပန်ပါတယ်။ ဦးပဉ္ဓင်းကိုယ်တိုင် ကမ္ဘာမှာရှိတဲ့ ဘာသာတရားအယူအဆဝါဒပေါင်း (၂၉)မျိုးကို (၂၂) နှစ်ကျော်လေ့လာလိုက်စားပြီးမှ သစ္စာဝါဒီကိုတွေ့ရှိရလို့ ဒီလို သစ္စာဝါဒီကိုလက်ခံကာ အလွန်စိတ်အားထက်သန်လှတဲ့ ဗရင်ဂျီဘာသာဝင်တစ်ယောက်အဖြစ်က ဗုဒ္ဓဘာသာ သာသနာဘောင့်ထဲကိုဝင်ပြီး သာသနာ့ဝန်ထမ်းရဟန်းဘဝကို ခံယူခဲ့ရခြင်းဖြစ်ပါတယ်"

            ဤစကားပြောချိန်တွင် အရိယဓမ္မသည်အသက်သည် (၃၄)နှစ်မျှသာရှိသေးသည်။ ဗုဒ္ဓဘာသာကို သုတေသနအဆင့်ဖြင့် လေ့လာချိန်မှာ ( ၄ ) နှစ်မျှသာရှိသေးသည်။ ဗရင်ဂျီဘာသာမှ ဗုဒ္ဓဘာသာသို့ ကူးပြောင်းခဲ့သည့်ကာလသည် ( ၇ ) နှစ်ထက်မပိုသေးချေ။ အကယ်၍ ကြိုတင်လေ့လာခဲ့လျှင် အသက် (၁၂) နှစ်သားမှ စတင်လေ့လာခဲ့ခြင်းဖြစ်ရပေလိမ့်မည်။ ( ၃၄-၂၂=၁၂) လုံးလုံး လုံးဝမဖြစ်နိုင်ကြောင်း သူ၏မရင့်ကျက်ခြင်း၊ မယဉ်ကျေးသော စာပေဘဝက သက်သေခံနေသည်။ မလေးနက်သော ဓမ္မတွေးခေါ်မှုကလည်း သူ၏ဘဝအမှန်ကို ဖေါ်ပြနေသယောင်တကား။

            အနှစ် (၃၀) လုံးလုံး "ဗုဒ္ဓဝါဒ ပြဿနာများ" စာအုပ်ကို ပုံသွင်းဖန်ဆင်းနေသူကား မည်သူနည်း? မည်သည့်ရည်ရွယ်ချက်ရှိသနည်း? လျှို့ဝှက်နက်နဲသော ဂမ္ဘီရလိုင်းဝင် အံ့မခန်းသော စာအုပ်အဖြစ်ထားလိုက်ကြပါစို့။

            နှစ်ဘက်သော စာဖတ်ဓမ္မမိတ်ဆွေအားလုံး နှလုံးစိတ်ဝမ်းအေးချမ်းကြပါစေ။ အလင်းတရားနှင့်အတူ အမှန်တရားသည် အမှောင်နှင့် အမှားကို ဖယ်ရှားနိုင်ပါစေသော်ဝ်။